傑仔,
睇到你既post真係想回應一下,無論點都好,我相信大家都支持你架!
呢個星期一至五,我都有機會同班婆婆一齊教興趣班,我係佢地身上學左好多好多,除左學識左點樣去穿珠仔同摺紙之外,亦都o係佢地身上體會到「時間並不是我們的絆腳石」!!!話說我學穿珠都係第一次,從婆婆既口中講今日教我穿既波仔已經係最容易架喇,起初我真係以前好容易啦,點知穿落先知真係好難,我同d家長一齊學都覺得好難,難係要難在記步驟,我地成日埋怨自己冇記性,其實我地真係冇資格講呢句說話架,d幾十歲既亞婆都未話冇記性,我地後生仔又點可以講話冇記性呢?記步驟居然係難,佢地仲可以夠眼力去將d珠仔一粒一粒呾穿上去先至最難,我穿既時候都未必可以一次就穿到,但d婆婆依然好努力咁戴住老花眼鏡去穿,真係要寫個服字比佢地呀!見到呢班咁有活力既婆婆,人都不禁有活力起來!
班婆婆咁老都仲好努力去學習新事物,佢地學習完除左自己得益之外,仲可以惠及他人,呢d人生先叫做有意義嘛,some of us 30都未到,就已經開始怕老,怕記憶衰退,咁d婆婆又點呀?佢地咪一樣過緊佢地精神既人生!人老左只係身體上起左變化但唔代表咁就冇用吖嘛,我就唔信人唔可以掌握自己既人生喇,只係做同唔做架o者!!!每一個人由出世至今,都唔會一學就識,亦都唔會有一條formula跟住就會行到一條康莊大道架,人最成功既最係o係錯誤中不斷學習不斷成長架,正所謂「條條大路都通去羅馬」,呢條路行錯左既咪另一條lor,總有過怕錯而原地踏步啦,好多野唔試過又點知喎!
我地用d時間去擔心自己老,不如用d時間諗下點樣係自己未老到行唔到走唔到之前,去做d自己想做既野啦!唔好真係到老左先黎後悔我後生既時候未玩過過山車,體會唔到坐過山車所得到既刺激......
人生在世始終都係有理想先有原動力架!!!
努力啦,我相信到你老左既時候望番轉頭一定唔會後悔你曾經為理想天努力過艱辛過,你只會係老左既時候後悔你冇為理想去做過野咋.....
命運是對手永不低頭
從來沒抱怨半句 不去問理由
仍踏著前路走青春走到白頭
tap
Subscribe to:
Post Comments (Atom)
6 comments:
人生在世始終都係有理想先有原動力<---咁呢個當然係基本既所謂原動力....
但係好多人好多時都要衡量現實...亦要係當中取一個平衡更困難
顧此失彼既情況亦經常出現
選擇一,就要放棄二
就好似選擇做野、讀書、拍拖係同一時間出現..就會發現自己忽略左最喜歡你既屋企人
爺爺又病了入院...grandma在家中，我卻忙得看她一眼的時間也沒有...
有時人太自私,只是不停的為自己的理想打算,不停的與時間追逐
卻忽略身邊最重要或最愛你的人
希望大家在努力追求自己理想的同時
別忘了回頭一看自己身後支持你的人....
茶實大家既理想係咩?
有人願意列舉嗎??......
我希望可以做粒燒賣
to joe
睇完阿塔's message 先記得有樣嘢諗咗好耐都唔記得同你講... 不如你隊 band 唱一首rock 版嘅 "阿信的故事"
命運是對手永不低頭
從來沒抱怨半句 不去問理由
仍踏著前路走青春走到白頭......
真係應該會得....
r
正喎
I will try your idea Riki!!! Anyway, our band will always write positive songs to impact the audience. We need to tell the city that we can change this place to a better place if we are going to work hard together!
多謝你tap，mac 是否離開香港，保重，我哋將來一定會再見，
Post a Comment