our plan

好耐無人寫吓嘢... 大家不如講自己今年嘅大計...

我昨晚上了"新假期" 個 studio 做訪問, 唔知大家之前有冇印象收過我嘅email係我想參加今年嘅苗圃行動呢? 我選咗行西藏果段, 行12日, 旅費萬多, 再要籌$6,000 善款先可參加, 咁我見新假期有得可以贊助$3,000 旅費, 我當然即刻參加啦, 點知又比我抽中喎 (其實我幾有信心佢地會選我, 因為我寫晒之前去尼泊爾同柬埔寨探訪嘅經歷, 再print 咗d 之前去探訪嘅相先連埋參加表格一齊寄出, 所以佢地一定記得我同選我嘅機會都會高d, 哈哈...)

點之原來新假期抽咗8個讀者出嚟, 新假期預咗係全部人一齊行雲南麗江(包括記者, 攝影師, 讀者等), 因為雲南比較大路d, 唔怕有高山症 (其實去雲南都會有機會有高山反應, 因為有d 地區有3,200 海拔以上), 咁一般人都會覺得行雲南會安全d 嘅, 咁我上去之前都有同佢講我係選去西藏, 唔係去雲南, 咁佢話無所謂, 都上去影相同訪問咗先...
咁我就上咗去, 佢個 mkt mgr 都有叫我去雲南, 但我個期真係唔得, 咁佢話都ok 嘅, 我就負責西藏果段, 去完再開多期比我寫番去西藏果段嘅經歷, 所以我就好開心佢地都照sponsor $3,000 比我嘞 =)

苗圃籌到嘅錢主要係維修山區嘅學校同興建新校舍, 等小朋友可以有個安全嘅學習環境, 昨晚同苗圃個義工傾計, 佢之前探訪嘅學校, 比我去尼泊爾同柬埔寨嘅環境差幾倍!!佢上個月先上去昆明驗樓, 因為比咗錢當地工人維修同興建校舍, 佢都要上去收樓, 度番晒d 尺寸是否足夠, 真材實料等... 基本上苗圃行動成個機構得一個員工, 其他主席, 副主席, 軍醫全部都係義工組成....

所以............我懇請大家留番部份雙糧/利是錢贊助我去行苗圃...
所以捐款都會有收據, 同其他機構一樣, HK$100 以上就可以報稅嘞...

謝.............(國語發音)

所以我今年嘅大計就係

1. 部戲上映後辭職
2. 行苗圃, 去西藏, 之後自己 stay behind 繼續玩
3. 下半年唔做嘢, 繼續去玩(如果有錢的話...)

大家都講吓今年嘅大計呀...

riki